Молитва Иоанну Крестителю от болезней головы
Почему св. Иоанну Крестителю молятся от головной боли
Прежде всего, потому, что подобные прошения святой выполняет особенно часто, причем речь не только о мигрени, но даже о более серьезных вещах – травмах, опухолях. Возможно, происходит это ввиду той кончины, которую претерпел святой, и поэтому он ныне близко к сердцу принимает именно эти болезни, стремится помочь страдающим.
О чем молятся святому
Иоанн милостив, он стремится помочь каждому просящему. Особенно когда его просят все-таки о том, что сродно его собственному устроению, например:
- укрепить колеблющуюся веру;
- привести к Богу близкого человека, одержимого неверием;
- благословить какое-либо духовное делание, например, паломничество, участие в крестном ходе;
- помочь определиться с верным, угодным Богу выбором жизненного пути;
- наконец, особенно святой благоволит тем, кто просит его поддержки, вступая на трудный, но благодатный путь монашества.
У Иоанна просят избавиться от головных болей, от вредных и пагубных привычек. К нему можно обратиться и с проблемами в семье.
Женщины просят святого о счастливом материнстве, а кто-то просит защиты для своих деток. Особенно он помогает в избавление от всех болезней, связанных с головой, проблем с глазами. Святого просят найти ответы на трудные жизненные вопросы.
Тропарь, кондак и молитва Предтече и Крестителю Господню Иоанну
Молитва святому Иоанну Крестителю
Крестителю Христов, проповедниче покаяния, кающагося не презри мене, но совокупляяся с вои небесными, молися ко Владыце за мене недостойнаго, унылаго, немощнаго и печальнаго, во многия беды впадшаго, утружденнаго бурными помыслы ума моего: аз бо есмь вертеп злых дел, отнюдь не имеяй конца греховному обычаю; пригвожден бо есть ум мой земным вещем. Что сотворю, не вем, и к кому прибегну, да спасена будет душа моя?
Токмо к тебе, святый Иоанне, благодати тезоимените, яко тя пред Господем, по Богородице, вем больша быти рожденных всех, ибо ты сподобился еси коснутися верху Царя Христа, вземлющаго грехи мира, Агнца Божия: Егоже моли за грешную мою душу, да поне отныне, в первыйнадесять час, понесу тяготу благую и прииму мзду с последними.
Ей, Крестителю Христов, честный Предтече, крайний пророче, первый во благодати мучениче, постников и пустынников наставниче, чистоты учителю и ближний друже Христов, тя молю, к тебе прибегаю, не отрини мене от твоего заступления, но возстави мя, падшагося многими грехи; обнови душу мою покаянием, яко вторым крещением, понеже обоего начальник еси: крещением омываяй грех, покаяние же проповедуяй во очищение коегождо дел скверных; очисти мя грехми оскверненнаго и понуди внити, аможе ничтоже скверно входит, во Царствие Небесное. Аминь.
Молитва 2‑я
Крести́телю Христо́в, честны́й Предте́че, кра́йний проро́че, пе́рвый му́чениче, по́стников и пусты́нников наста́вниче, чистоты́ учи́телю и бли́жний дру́же Христо́в! Тя молю́, и тебе́ прибега́ю не отри́ни мене́ от твоего́ заступле́ния, не оста́ви мя па́дшего мно́гими грехи́; обнови́ ду́шу мою́ покая́нием, я́ко вторы́м креще́нием; очи́сти мя, грехи́ оскверне́ннаго, и пону́ди вни́ти, а́може ничто́же скве́рно вхо́дит, в Ца́рствие Небе́сное. Ами́нь.
Тропарь Рождеству Иоанна Предтечи, глас 4
Проро́че и Предте́че прише́ствия Христо́ва,/ досто́йно восхвали́ти тя недоуме́ем мы, любо́вию чту́щии тя:/ непло́дство бо ро́ждшия и о́тчее безгла́сие разреши́ся/ сла́вным и честны́м твои́м рождество́м,// и воплоще́ние Сы́на Бо́жия ми́рови пропове́дуется.
Кондак Рождеству Иоанна Предтечи, глас 3
Пре́жде непло́ды, днесь Христо́ва Предте́чу ражда́ет,/ и той есть исполне́ние вся́каго проро́чества:/ Его́же бо проро́цы пропове́даша,/ на Сего́ во Иорда́не ру́ку положи́в,// яви́ся Бо́жия Сло́ва проро́к, пропове́дник вку́пе и Предте́ча.
Личное прошение
О, святы́й уго́дниче Бо́жий, крести́телю Спа́сов Иоа́нне. Услы́ши мя, гре́шного (и́мя). Умоли́ Христа́ Бо́га, да сподо́бит (благода́ти свята́го креще́ния, покая́ния) раба́ Своего́ (и́мя). Да вси ку́пно прославля́ем милосе́рдие в Тро́ице сла́вимаго Бо́га, Отца́ и Сы́на и Свята́го Ду́ха, и твое́ усе́рдное хода́тайство во ве́ки веко́в. Ами́нь.